Kvk ta defende rason pa companianan registra nan cifranan anual

ORANJESTAD – Critica creciente riba e raportahe cu companianan tin cu haci awor di nan cifranan annual, a pone cu Camara di Comercio a bin dilanti un biaha mas diahuebs pa splica e motibonan pakico ta importante pa raporta esaki. E no ta algo cu ta ideal, pero ta un regla cu Aruba tin cu cumpli cune, como parti di Financial Action Task Force. “Aruba ta miembro y nos tin cu cumpli”, director di Camara di Comercio Leo Maduro a splica diahuebs merdia. Cifranan ta keda secreto y tin solamente tres instancia cu tin derecho pa mira esaki. Lesa aki tur e rekisitonan cu ta necesario pa esnan inscribi, mester tene cuenta cune den tres fase. (Uno aki), sigui pa (esaki) y finalmente (esaki).