Monica Pimentel di Aruba ta cay venci den Taek Wondo na Rio

RIO - E ultimo atleta di Aruba pa participa den e weganan olympico na Rio, Monica Pimentel a cay venci contra su contrincante Frances Aziez cu e score di 2-1. Te den e di tres parti di e intercambio, Aziez a marca su ultimo score cu a dun'e e victoria. Na inicio, ambos tabata hopi 'conservativo' y tabata 'explora' otro. Na comienso Aziez a haya su prome 'multa' pa despues habri e score 1-0. Pero seconde despues, Pimentel a dal bek mesora y iguala e score 1-1. Pero despues e tambe a haya un multa. Y na final, Aziez a score e ultimo punto, y cu holoshi na su fabor, a gana su prome bataya pa pasa pa e siguiente buelta. Asina Aruba ta cay venci, pero no sin duna un bon bataya. NOTA: Imagenan ta tuma di television, ATV canal 15.