Cuerpo di polis di Aruba a celebra 30 aña di existencia

ORANJESTAD - Cuerpo policial di Aruba den cuadro di celebracion di 30 aña di existencia diamars, a celebra esaki den varios forma. Mientras cu e siman di polis a inicia for di diasabra, diamars tabata e dia crucial di celebracion. E dia a cuminsa cu un santo sacrificio di misa na Playa. Den cuadro di e weganan di Reino di polis, tabatin mas di 250 polis di Reino na Aruba celebrando e siman di polis. "E opkomst ta bon" Alto comisario di polis Dolfi Richardson a bisa NoticiaCla.com. "Tur hende ta gosando y having a ball". Un di e motibonan di e siman di celebracion, ta pa fortifica e lasonan cu coleganan den exterior y tambe local. Sigur mirando e situacion cu tin actualmente den mundo unda cu tin hopi temor pa loke ta pasando. 

HACI E EVENTO MAS GRANDI

Cada 5 aña ta purba di duna e celebracion aki un extra dimension. " Pesey e aña aki a pone mas actividad y e participacion apesar di e situacion financiero ta hopi bon. Mi ta hopi contento cu cada cuerpo a haci nan esfuerso pa ta presente hunto cu nos pa celebra nos dia di polis.