A desvia trafico temporalmente riba Seroe Tijshi

ORANJESTAD - Entrante dialuna dia 15 di augustus 2016 y cu un duracion di mas o menos 3 luna di tempo, a cera un parti di e caminda principal di Oranjestad pa San Nicolas na altura di Seroe di Tijshi, pa tur trafico y na ambos banda di caminda. Cuerpo Policial Aruba, por medio di su departamento di "Verkeersplanologie en Onderzoek" ta informa cu lo cera e caminda pero lo tin borchinan di aviso y baricadanan di un distancia caba, den un esfuerso pa alerta automobilistanan di e cambio den trafico.

DESVIO

Tene cuenta cu lo desvia trafico for di ambos banda di caminda, pa temporalmente uza e caretera nobo construi na parti noord di e Green Corridor. Ta importante pa automobilistanan reduci nan velocidad, durante e desviacion di trafico temporal aki. 

CAMBIO NECESARIO

E cambionan aki ta necesario den cuadro di construccion di e rotonde na altura di Seroe Tijshi na e parti zuid di e caminda principal cu ta comunica Oranjestad y San Nicolas.  Cuerpo Policial lo percura pa extra patruyahe den e prome dianan aki pa garantisa siguridad den trafico.