Problema di coriente a afecta varios parti di Aruba anochi

ORANJESTAD - Ainda Elmar (e compania cu ta suministra coriente) no tin informacion kico e motibo di e perdida di coriente tabata ayera nochi y awe marduga na varios parti di nos isla. Diaranson anochi varios parti di nos isla un biaha mas a perde coriente. E problema ta sinta na Elmar, pero kico e ta, no ta conoci pues. A compronde cu ta trahando riba un relato pero te ainda esaki no a keda suministra. 

PROBLEMA Y RECLAMO

E prome problema di coriente tabata casi 9:30 pm ora cu barionan manera Ponton un parto, Madiki, Paradijs y esaki a bin bek den careda di 2'or di awe marduga, segun habitantenan a splica NoticiaCla.com. Otro areanan a haya coriente bek mas prome, den careda di 1'or. Otronan a bisa cu ta 2'or di marduga nan a perde coriente. Y pa malasuerte di hopi, pa 4'or di marduga atrobe coriente a bay na varios area manera Babijn y Matividiri, unda cu te mas of menos 10'or di awe mainta coriente a bolbe eynan. Pues algun bario a keda 6 ora sin coriente despues di e prome interupcion di coriente.  Criticanan tabata hopi riba facebook, unda cu varios tabata critica e situacion y tambe relata nan experiencia di luna pasa ora cu nan a perde varios aparato electrico ora cu coriente a bay e ultimo diasabra di juli.