Entrada hudicial na cas presidente Banco Central Corsou

WILLEMSTAD - Husticia na Corsou a haci un entrada hudicial diaranson mainta na cas di presidente di Banco Central Emsley Tromp. Ministerio publico no kier duna motibo di e inval aki ainda. "Na e momentunan aki tin un entrada hudisial na un empresa di trùst i un cas den Mahaai" tabata e unico version oficial di OM. " E entradanan hudisial a keda ehekutá dor di e team anti-korupshon (TBO) di Recherche Samenwerkings Team (RST). Na e momentunan aki Ministerio Públiko (OM) no por duna mas informashon tokante e investigashon" e informacion a finalisa bisando. Fuera di e entrada hudicial na e cas priva di Tromp, a haci entrada tambe na e oficina di trust di comerciante Gregory Elias, ya cu Tromp ta un cliente. Elias mes no ta un sospechoso den e caso aki segun ministerio publico.   

LABAMENTO DI PLACA

Motibo di e entrada ta wordo sospecha di ta posibel envolvimento di labamento di placa di e presidente di e banco. Den prensa na Corsou a aparece varios raportahe riba e parti financiero priva di Tromp. Banco Central a haci investigacion eynan y Tromp a desmenti esaki caba den un ultimo conferencia di prensa extenso.  

Fuente OM y NOS. Foto cortesia Direct Media Curacao.