Scol a cuminsa na Aruba!

ORANJESTAD – Scol a cuminsa na Aruba diahuebs mainta tempran. Y cu esey, e trafico congestiona tur caminda, cu a bira parti di e rutina. Pa mayoria, tabata un otro aña escolar, mientras cu pa un grupo grandi, e tabata nan prome encuentro cu un scol. Pa mayornan esaki tabata mes emocionante pa tin e experiencia aki di laga nan yiu ‘los’ pa algun ora prome biaha den nan bida. NoticiaCla.com a pidi mayornan pa manda nan potretnan di e experiencia aki pa e por wordo comparti. Y esaki ta e prome potretnan cu NoticiaCla.com a ricibi tempran diahuebs mainta. Pabien na tur mucha y nan mayornan. Y danki na mayornan pa comparti nan momentonan cu nan yiu(nan).