Riba 40 tienda participando cu Aruparking den campaña di Back to School

Posted on 8/9/2016, 7:22 PM AST | Updated on 8/9/2016, 11:19 PM AST

ORANJESTAD - Drentando su di dos luna di campaña di Back to School, Aruparking ta anuncia cu tin un total di 41 tienda participando cu nan y asina conhuntamente duna e clientenan cu ta bishita y cumpra den nos centro di ciudad bek.

E campaña a cuminsa cu rond di 15 tienda participando y poco poco otronan a uni y ainda tin tempo pa tur otro uni mirando cu e ta sigui te otro luna.

Tur bishitante na e tiendanan participante cu cumpra 35 florin na e tienda ta haya 1 florin bek, esnan cu cumpra 50 florin ta haya 2 florin bek y esnan cu cumpra riba 100 florin por pasa cu nan recibo di e tienda participante pa haya un smartcard cu 10 florin riba dje. Entre e participantenan ta saca e siguiente luna un ganador cu lo haya nan compras bek te na un maximo di 350 florin.

Di e forma aki Aruparking hunto cu e tiendanan participante kier promove shopping den nos centro di ciudad. 

Esaki ta e lista di e tiendanan participante y cada bes cu un otro tienda uni su mes e ta wordo publica riba pagina di Facebook di Aruparking, dus keda pendiente y mientras tanto shop y gana cu Aruparking y 41 tienda participante.

 

Collins Dolce Gabana Shoeballoo Paleis Orienta Lian Gift Shop Boolchands Friends of God Angelo Fashion Jeans Alley Diesel La Martina Shoeballoo Sports Sams Pandora Sun Specs Mango The Sting Wulfsen & Wulfsen Radio Shack Star Fashion Sport Caribe Cilo Latin Fashion Seasons Artistic La Moderna Sagar 2 Supershopping Giordano Win Me Classic Totto Big Bazaar Donna Basinger Pizza Hut The Athlete’s Foot Athlete Sport Nike Store Puma Store A1 World Electronics