Ganadonan di “Olympic Kids” di McDonald’s a cana hunto cu atletanan durante apertura di e weganan Olimpico Rio 2016

ORANJESTAD -  McDonald’s a celebra e ambiente di amistad, un di e balornan Olimpico mas importante, dunando 45 mucha den Latino America e oportunidad unico pa ta parti di e ceremonia inaugural di e apertura di e weganan Olimpico Rio 2016. E muchanan cu a gana e concurso Olympic Kids, a destaca ora cu nan a compaña e delegacionnan den e desfile di e nacionnan, mira pa un publico di mas cu 80.000 hende den stadion Maracanã y miyones di televidente rond mundo. E atletanan cu a carga e bandera di cada un di e 207 delegacionnan a wordo compaña pa un mucha di e programa Olympic Kids di McDonald’s. Den e stadion nan a celebra un ambiente di alegria y henter e ekipo di e muchanan por a disfruta e aventura aki y comparti e evento cu atletanan reconoci, artistanan y periodistanan a biba un experiencia inolvidabel cu a emociona e famia y amigonan. Prome cu e gran evento, e muchanan a biba un experiencia emocionante na Rio mientras cu nan tabata cera amistadnan, nan a gosa durante weganan na lama, nan a conoce Cristo Redentor, nan a train e acto di ceremonia di apertura den e stadion Maracanã y tabata tin oportunidad di conoce Ronald McDonald. Den e proximo dianan durante weganan Olimpico nan por participa den actividadnan manera cursonan deportivo den un di e luganan oficial hunto cu e atletanan profesional, nan por asisti na e partidonan y competencianan oficial un nan lo tin e privilegio di e luganan y nan por pasa den e parke Olimpico. E ekipo di McDonald’s Olympic Kids ta consisti di 100 mucha entre 8 pa 12 aña di 20 pais rond mundo, cu ta representa e amistad y unidad, cu ta e punto clave di e weganan Olimpico. Di Latino America ta 45 mucha a wordo scogi di 10 pais, cu tabata presente y cu tabata e ganadonan di e concurso Olympic Kids di McDonald’s, cu ta 25 mucha di Brasil, 2 di Argentina, 2 di Chile y un di Costa Rica, Guatemala, Mexico, Panama, Puerto Rico y Antia Frances, Martinique y Guadeloupe. McDonald’s a brinda oportunidad na e muchanan pa participa den e Weganan Olimpico for di Bejing 2008. Pero esaki ta e prome biaha cu nan a hunga un rol importante durante e ceremonia di e apertura. E programa Olympic Kids di McDonald’s ta posibel door di e alianza y colaboracion continuo cu e Comite Olimpico International (COI) y cu e Comite Organisado di e weganan Olimpico Rio 2016.