Glenbert Croes: No ta bay laga Sevinger regala waf di Playa

ORANJESTAD - No ta bay laga Benny Sevinger regala waf di Playa. Asina parlamentario pa partido MEP, Glenbert Croes a declara. "Nos  a tuma nota di e plan di Minister Benny Sevinger pa desaroya e waterfront di e Waf na playa unda 20 lot den waf lo wordo otorga “a dedo” segun su kier, e ta bay regala esakinan, en bes di permiti un bid nacional y internacional tuma lugar paso ta patrimonio di nos Pueblo esakinan ta cu gran balor unda fondo por wordo genera pa traha cas social pa nos Pueblo" Croes a bisa. Segun Croes, Minister Sevinger ta permiti corupcion tras corupcion wordo cometi cu tereno di nos pueblo awor e kier haci mescos cu e waf na Playa. "Esaki ta totalmente inaceptabel y nos no ta bay laga esaki tuma lugar" Croes a bisa. A mustra cu lo bay haci kico cu ta pa para esaki, sea ta protesta, of haci otro cos pa para esaki.