Dos borchi devela di informacion di monumentonan

ORANJESTAD - Den presencia di invitadonan, sra. Ing. Yvonne Webb-Kock directora di Monumentenbureau, Ronella Tjin Asjoe directora di ATA y representante di Minister di Turismo y Cultura, sra. Indra Zaandam a desvela e prome dos borchinan di informacion di monumento. Ta encera informacion di Schelpstraat 36-38 conoci como edificio Henriquez na unda Monumentenbureau ta ubica. E di dos borchi ta di Schelpstraat 42 conoci como Ecury complex na unda Museo Arquilogico ta ubica.

E proyecto aki di borchi di monumento ta un proyecto di Monumentenbureau conhuntamente cu Mininister di Turismo y Cultura y ta wordo financia door di ATA. Instalaccion di tur 35 borchi di informacion di monumento lo dura 3 luna pa finalisa. E ta un proyecto cu ta forma parti di un proyecto mas grandi encerando entre otro ponemento di borchinan di indicacion den caya grandi, borchinan cu mapa di Oranjestad y borchinan di informacion di monumento. 

En total lo wordo poni 35 borchi rond Aruba di cual 21 ta di monumentonan proteha. E otro 14 monumentonan no ta proteha ainda, pero si nos di Monumentenbureau ta wak cu nan ta di importancia pa nos turismo.  Lo reconoce di biaha si ta encera un monumento proteha pasobra e Seyo di Monumento Proteha ta poni. Cu e informacion aki e turista y alaves nos comunidad por haña sa mas di e edificio monumental. E borchinan aki a wordo diseña door di Monumentenbureau mes dor di sra. Daphne Every cu ayudo di full e team dynamico di Monumentenbureau. E textonan ta compila dor di directora di Monumentenbureau, sra. Ing. Yvonne Webb-Kock y repasa cu tur e doñonan di e edificionan. Art & Design ta e compania cu a efectua e construccion di e borchinan di monumento. Monumentomentenbureau ta hopi contento con e compania ta haciendo su trabou. Riba nos facebook page “Monumentenbureau” lo publica e lista di edificionan cu lo haña un borchi di informacion.