Crecemento economico na 2016 solamente si ehecuta proyectonan manera planea

ORANJESTAD - Mientras cu tin indicadornan significante pa un crecemento economico mas fuerte na 2016, esaki lo materialisa solamente si proyectonan di inversion wordo ehecuta manera planea, y actividadnan di turismo keda vigoroso. Asina Banco Central ta raporta den su rapport di 2015. Riesgonan adicional ta inclui un continuacion den e falta di confiansa di consumidornan y e bahada den consumo resultando for di esaki.

E oportunidad principal pa crecemento ta relata na e posibel reapertura di e refineria como un upgrader di crudo Venezolano. E operacion di e refineria door di Citgo lo mester conduci na inversion substancial y empleo adicional pa prepara e refineria como un upgrader. 

E aumento den e nivel general di prijs lo ta modera na 2016. Generalmente, prijs di petroleo ta premira pa keda na nivelnan abou, cual lo limita e presion riba gastonan. 

E publicacion completo ta disponibel riba website di banco ceontral (www.cbaruba.org).