Futbolista Johnny Gomes asesina awe marduga

ORANJESTAD - Aruba a conoce otro caso di asesinato diasabra marduga cu a alrededor di 3:35 am cu e melding a drenta di un pelea cu machete na El Gran Flamboyan schuin tegenover di warda di playa. Na yegada di polis, a topa e caso di asesinato den Kruisweg, na altura di e club nocturno Maxim. Polis a constata cu berdad e victima no tabata duna señal di bida y Dr. Lin algo prome cu 5'or (4.55 am) a constata morto di e futbolista Gomes (33). Gomes tabata hunga futbol pa e ekipo di SV Caiquetio di Paradera. Polis a logra detene e sospechoso den e caso di asesinato, un homber di nacionalidad Dominicano. Investigacion ta continua y cualkier persona cu por sa mas, a mira algo of a tende algo, no duda den yama tipline di Polis na 11141. NoticiaCla.com ta manda palabra di forsa na famianan di e fayecido.