Conseho Consultativo ta lansa su website renoba

Oranjestad – Conseho Consultativo (Raad van Advies) ta lansa su website renoba dia 1 di augustus proximo. Den cuadro di transparencia den gobernacion Conseho Consultativo a dicidi di amplia su website existente cu un kolom di actualidadnan. E kolom aki ta na man drechi di e homepage di e website y ta consisti di 3 seccion: ‘Ingekomen adviesverzoeken’, ‘Recent uitgebrachte adviezen’ en ‘Recente samenvattingen van adviezen’. E seccion ‘Ingekomen adviesverzoeken’ ta consisti di un lista di e peticionnan pa conseho cu Raad a ricibi recientemente. Akinan por mira e titulo di e concepto di ley, e fecha cu nan a ricibi’e y e number di registracion di Raad. Na e seccion ‘Recent uitgebrachte adviezen’ por mira e mesun lista cu acerca e fecha cu Raad a duna conseho. Na e seccion ‘Recente samenvattingen van adviezen’ por mira resumennan di conseho di cua e topico ta complica.   E resumennan ta scirbi di tal forma cu personanan cu no a studia ley tambe por compronde. Cualkier persona por mira y download e resumennan aki prome cu e conseho bira publico.  Cu lansamento di su website renoba Conseho Consultativo ta spera di por contribui na transparencia den gobernacion y den e proceso legislativo.