Boluntarionan ta hunga un papel importante den e colecta anual di KWF Aruba

ORANJESTAD - Recientemente Koningin Wilhelmina Fonds Aruba a haci entrega di un certificado di reconocimento na un grupo di boluntario cu a yuda cu e colecta anual 2016. Koningin Wilhelmina Fonds por yuda comunidad den e lucha contra cancer danki na e donacionnan particular y e placa cu ta recauda durante e colecta. Y ta danki na e esfuersonan di tur e boluntarionan e colecta anual semper ta un exito. Ta gradici un y tur pa nan aporte y nos lo sigui informa, educa y concientisa comunidad riba kico ta cancer y con pa preveni y combati e enfermedad aki cu por afecta nos tur.

Si bo mester di mas informacion encuanto cancer of bo kier sa mas di e trabounan di nos fundacion, bo por tuma contacto cu Koningin Wilhelmina Fonds Aruba na 5820412 durante orario di oficina of pasa na nos oficina na Spinozastraat 9 net patras di Watertoren na Playa. Tambe por bishita nos website www.koninginwilhelminafonds.com y nos pagina di facebook Koningin Wilhelmina Fonds Aruba.