Polis ta cera parti di e caminda dilanti Eagle Beach pa Love Festival

ORANJESTAD - E fin di siman aki ta tuma luga e evento “Love Festival” riba dianan 29, 30 y 31 di juli na Eagle Beach. En conexion cu esaki Polis ta informa cu lo cera parti di e caminda cu ta pasa ey dilanti durante algun orario specifico, pa cual automobilistanan mester tene bon cuenta, specialmente transporte publico.

Lo cera e caminda pa trafico na altura di J.E. Irausquin Boulevard direccion zuid, cuminsando for di e crusada prome cu Amsterdam Manor te cu prome cu e entrada principal di Costa Linda Beach Resort, parti pabou di caminda. Lo cera e caminda riba dia 29 di juli te cu 30 di juli cuminsando for di 5:00 pm te cu 3:00 am. Riba 30 di juli te cu 31 di juli cuminsando for di 5:00 pm te cu 3:00 am. Riba 31 di juli cuminsando for di 3:00 pm te cu 12:00 am. Polis ta pidi tur automobilista, taxista y companianan di transporte publico pa tene bon cuenta cu esaki.