Aeroliña Canades WestJet ta expande ruta pa Aruba pa winter

CALGARY—E aeroliña Canades WestJet a aumenta frecuencia di buelo pa su schedule di winter, y Aruba ta inclui den esaki. E siman aki WestJet a anuncia cu e lo añadi un docenas di buelo nobo den su network local y internacional como parti di su schedule di winter pa 2016/17. E buelo nobo pa Aruba ta cuminsa for di fin di october. 

BUELONAN ADICIONAL

Buelonan anuncia adicional, ta inclui rutanan domestico di Toronto pa Vancouver, Ottawa y Moncton, N.B. Destinacionnan internacional nobo for di Toronto ta inclui Myrtle Beach, S.C., Kingston, Jamaica, y ciudadnan na Costa Rica, Trinidad and Tobago, Aruba y St. Maarten. Den e parti west, e compania lo añadi 41 buelo nobo domestico di Vancouver pa Kelowna y Prince George, B.C., Toronto, Los Angeles, Honolulu y e ciudadnan mexicano di Cancun y Cabo San Lucas.

HISTORIA DI WESTJET

WestJet a cuminsa como un compania aereo Canades di costo abou pa competi cu e aeroliñanan competitivo di e pais. Nan ta opera un average di 425 buelo y ta transporta riba 45.000 pasahero pa dia.