Minister no ta na altura di supuesto proyecto hotelero y midimento di tereno

ORANJESTAD - "Mi no ta na altura di ningun hotel na San Nicolas", tabata reaccion di minister di turismo Otmar Oduber. "Pero si ta un hotel na San Nicolas, mi ta sostene 100%" e mandatario a sigui bisa. E ta haya straño si cu e no ta na altura siendo minister di turismo, pero ta sostene e proyecto. E no ta na altura di ken e proyecto ta, pero a sigura cu esaki no ta di Bahia Principe, manera cu a wordo bisa. Un raportahe for di e matutino Solo di Pueblo a bisa algun dia caba cu ta tereno otorga na famia Arends, y a te hasta bay asina leu di duna midinan di e tereno. Pero e mandatario a desmenti di sa algo di e proyecto aki. Foto cortesia Solo di Pueblo.