Curator Maria: A denuncia Eric Garcia pa falsificacion di documento

WILLEMSTAD - Abogado Mr. Valerie P. Maria ta investigando e pasonan pa tuma awor pa miminalisa e daño haci na e casi 1.500 Venezolanonan cu tabatin cuenta na Banco Maracaibo, y pa minimalisa su creditornan mas hopi posibel. Despues di e detencion di 'colega' curator, ex director di Giro Bank Eric Garcia, Maria a dicidi di bay publico cu e caso aki. Entre e pasonan pa tuma, kier trace e placanan cu ta di e inmueble bancarota. E topico di investigacion tambe ta e periodo cu Garcia a malversa e suma menciona. 

E BANCAROTA

E bancarota di Banco Maracaibo NV a wordo anuncia na 1994. Como curator, a apunta Garcia, y dos luna despues a añadi abogodo Robert Blaauw. Abogado Valerie Maria a wordo añadi como curator dia 11 di juli 2016. 

EMAIL DI GARCIA

Tabata dia 12 di juli ultimo cu Garcia a manda e hues comisario un email cu un recibo di banco MCB unda cu mester a aparenta cu henter e suma di 11 miyon dollar tabata riba e cuenta na e banco respectivo. Hues comisario, segun Maria, a bay di acuerdo pa retira Blaauw como curator.

DENUNCIA

Maria den su calidad como curator nobo, despues di investigacion, a constata cu e suma no tabata conoci pa MCB y cu de hecho, apenas algun mil dollar tabata aparece riba e cuenta. Mas investigacion a mustra cu e recibonan manda pa Garcia, lo a wordo falsifica. Como tal den su calidad di curator, Maria a haci un denuncia penal dia 18 di juli contra Garcia, riba sospecho di falsificacion di firma y malversacion di fondo. E denuncia aki a conduci na e detencion di Garcia e siman aki.