Candidato presidencial brasilero ta muri den accidente aereo

SANTOS– Candidato presidencial brasilero Eduardo Campos a muri den un accidente aereo diaranson. Esaki a causa cu e eleccion poni pa october, ta totalmente bruha awor y mes momento esaki a causa un derumbe den e mercado local financiero. E avion priva di Campos (un jet) a cay ora cu e pilotonan tabata purba aterisa den mal tempo den e pueblo costenjo di Santos, sur di Sao Paulo.

E accidente a laga tur 7 pasaheronan morto, y imagennan di television tabata mustra huma for di e sitio di e crash, den e zona residencial. Campos tabata figura como # 3 di e candidatonan den e ultimo encuesta. Mientras cu e no tabata poni pa gana e eleccion di dia 5 di october, e tabata esun mas ‘amabel’. E problema ta kico ta pasa cu su seguidornan y mas importance, cua di e candidatonan aki lo haya e votonan ey, si esey sosode.