Ex hefe departamento seguridad St Maarten deteni

PHILIPSBURG - Ex hefe di departamento di seguridad di St Maarten James Richardson (41) a keda deteni pa miembronan di landsrecherche y polis. Su cas tambe a wordo listra den cuadro di un investigacion riba labamento di placa y malversacion, segun ministerio publico. Tambe a listra un camber di hotel y un lugar di mudansa. Administracion, placa, bienes, un auto y mas a wordo tuma den beslag. Richardson ta wordo sospecha pues di labamento di placa y malversacion di un suma di 800.000 florin entre 2011 y 2013.  

MALVERSACION

E ex hefe ta den problema for di 2013. E tempo ey prome minister Sarah Wescot-Williams a pidi e accountant bureau gubernamental SOAD pa inicia un investigacion na e departamento ey. Segun Wescot-Williams tabatin indicacion serio di iregularidadnan financiero na e departamento. For di 2015 landsrecherche ta investigando y no ta descarta mas detencion.  

SUPERVISION

E departamento di seguridad ta bou di supervision di un comision consistiendo di dos hues independiente y un miembro di Raad van State. E departamento ta tene su mes ocupa cu investigacion na grupo y persona(nan) cu ta forma un menasa potencial pa democracia y cu investigacion di integridad pa gobierno. E departamento tambe ta provee 'backround' info di candidatonan pa posicionnan di confiansa den gobierno. 

Autor: John van Kerkhof  for di partner di NoticiaCla.com Caribisch Netwerk. Foto: OM.