Tres homber ta atraca Dragon City Bar y bay cu benta di dia

ORANJESTAD - Despues cu un dia prome caba tabatin intento di atraco na un restaurant, diamars anochi laat tabatin otro restaurant cu a bira victima di un caso di atraco. Segun vocero di polis Liliana Rasmijn, e melding a drenta na centrale post pa mas o menos 11:20 pm cu un atraco lo a caba di sosode. Patruya a yega na Dragon City Bar & Restaurant na Sabana Blanco. Aki a compronde cu 3 hende homber cu cara tapa, color 3 bruin y 2 bisti na full preto y e otro na t-shirt geel a drenta pa tira e atraco. Segun informacion ricibi e tres personanan a papia papiamento durante e atraco."Nan lo mester a bay cu e benta di dia di mas of menos 5000 florin" Rasmijn a bisa NoticiaCla.com. Esnan presente no por a wak con nan lo a move bay fo'i e sitio segun e vocero. Atraco team a presenta y tambe slachtoffer hulp. Polis ta puntra cu ken cu por a wak algo pa por fabor yama tiplijn 11141.