Lejuez: Dama Chines ta admiti di a hinca Richard Fingal mata

ORANJESTAD - E dama Chines T.M.L. a admiti cu el a hinca mata e director di Serlimar Richard Fingal. Abogado di L, Chris Lejuez a confirma cu for di e declaracion extenso di su cliente, a bin sali afo kico exactamente (segun e cliente) a sosode dialuna pasa cu a finalisa cu morto di Fingal. Y for di e declaracion duna, ta resulta cu e dama Chines den loke ta defensa propio (segun abogado) despues di un tratamento di cara, a haye ta hinca Fingal mata pa asina e mes scapa su propio bida. Un reconteo di un suseo hopi dramatico, cu Lejuez a comparti cu NoticiaCla.com diamars atardi. Ta resulta cu e tabata un tratamento di cara, cu un 'final fatal'. Investigacion tin cu bay determina si e version di e dama Chines, ta e loke a sosode of no. 

RELATO DRAMATICO

Mirando cu e ta un relato cu abogado Chris Lejuez a conta riba e caso ta uno basta detaya y dramatico, ta desicion di cada lector si ta opta pa lesa esaki. Mirando e interes cu tin pa e relato aki y su embergadura, NoticiaCla.com a opta pa publica esaki. Si dicidi pa lesa e relato, por click aki, riba propio desicion.