Sindicato STA y Aruba Ports Authority a haya otro riba CAO

ORANJESTAD – Sindicato di Trahadonan Arubano (STA) y gerencia di Aruba Ports Authority NV a haya otro diaranson merdia pa cu e contracto colectivo nobo. Presidente di e sindicato Diego de Cuba a confirma cu despues di 3 luna di negoshacion, a logra un aumento substancial paden y pafo di salario di su 94 miembronan cu ta labora na waf. Calcula den cifra, por conta cu cada trahado a haya un aumento di por lo menos 16% bruto parti riba 4 aña di tempo. Esey kier men ta 4% cu e trahadonan a bay dilanti, y na placa e ta suma un 10.000 florin den 4 aña cu ta pa aña 2.500 extra bruto pa aña. A sera e contracto aki asina, pendiente e terminacion di e proyecto di waf di container na Barcadera, cu ta programa pa 2016. Ta wardando si ainda riba un reunion cu RvC, pa haya un contesta riba e contracto cu tin sera cu ASTEC, pa haya un ‘inzage’. “E contracto aki ta hole masha stinki mes” de Cuba ta finalisa bisando.