Prome Minister Mike Eman ta bek na trabou diahuebs mainta

ORANJESTAD – Prome minister Mike Eman ta bek na trabou diahuebs mainta awor. Esaki a keda confirma pa minister presidente interino Mike de Meza na NoticiaCla.com. “E ta yega Aruba diaranson atardi laat, y diahuebs prome minister Mike Eman ta bek activo den oficina” de Meza a sigura Noticiacla.com diaranson merdia. Cu esey e ta conclui un vacacion di 1 siman y mey den exterior.

Tabatin hopi speculacion riba e motibo di su vacacion repentino, aunke cu e mandatario mes a laga un mensahe riba su facebook wall, indicando cu e la dicidi di tuma un vacacion cortico pa sosega di e temponan dificil su tras. Riba dje a cuestiona pakico a converti su baymento cu vacantie como un noticia. A splica e momento ey cu e momento cu e la dicidi di bay, ta indica cu su esfuersonan pa e momento ey, tabata cla y cu lo mester a laga otro hende sigui haci e trabou. Tambe consniderando cu ainda Aruba tabata den un impasse, no tabata e momento oportuno pa bay cu un vakantie. Por corda con ora cu gobierno di Hulanda a duna Aruba un KB, y coi nan caminda bay cu vakantie, na Aruba a cuestiona esaki grandemente.

Bek pa e motibo di vakantie di Eman, NoticiaCla a compronde di su fuentenan acerca, cu Eman a haci esaki tambe riba orden di su medico(nan) cu a sugeri cu ta miho desconecta di trabou pa un tempo, pa por haya un trankilidad necesario bek. Durante e periodo cu e tabata ausente, colega minister de Meza a tuma e batuta y a dirigi pais Aruba brevemente. Aunke breve, de Meza a haye den varios situacion cu e mester a actua di cual esun mas grandi ta e firmamento di e protocol dialuna ultimo. Esaki aunke cu Eman mes a firma esaki delanta caba y pues a laga esaki cla.