McDonald's Aruba a lansa McKrioyo Sport ®

ORANJESTAD  - Cu e slogan “e sabor di e campeonnan”, McDonald’s Aruba recientemente a lansa McKrioyo Sport® un sandwich delicioso traha 100% cu pan local for di Bright Bakery, 3 pida carni, siboyo y keshi, tomati, lechuga y mayonaise. Cu cada compra di e pan aki, cu ta disponibel pa un tempo limita, McDonald’s lo contribui na e delegacion di atletanan y na Comite Olimpico Arubiano.

COMPROMISO DI MC DONALDS

“E creacion di e pan nobo aki ta sinonimo cu e compromiso di McDonald’s pa promove e actividad deportivo y un bida activo. Nos ta orguyoso pa ta un sosten pa Comite Olimpico Arubano y su delegacion di atletanan cu ta bayendo pa e weganan Olimpico na Rio 2016. Nos ta encurasha comunidad pa bishita nos restaurantnan y mustra bo sosten na nos delegacion di atleta door di cumpra e McKrioyo Sport® ", asina Sulina Vrolijk, Operations Supervisor pa Arcos Dorados Aruba a bisa.

OFFICIAL SPONSOR 

McDonald's ta e sponsor oficial pa e weganan Olimpico y Comite Olimpico Arubano. Esaki ta un otro iniciativa cu McDonald’s a haci e aña aki pa sostene COA, pa prepara e atletanan cu ta bayendo e weganan Olimpico e aña aki. Recientemente McDonald’s a sponsor e actividad di Olympic Day Run na Aruba.

MEAL COMPLETO

McKrioyo Sport ta un “meal” completo cu por wordo disfruta durante lunch of dinner, prepara fresco cu ingredientenan di calidad y cu pan 100% di Aruba. Esaki ta un alternativa pa join e variedad di e menu di  Mcdonald’s cu ta consisti di pan, salada, hamburger hunto cu un variedad di bebida cayente of friu y un dushi dessert. Clientenan por pidi e McKrioyo Sport, of cualkier McCombo cu un batata mediano y algo di bebe y pa solamente 3 florin bo ta ricibi e edicion limita di e glasnan conmemorativo di weganan Olimpico cu ta bin den 5 diferente diseño pa colecta.  

ATMOSFERA OLIMPICO

McDonald’s ta mantene e atmosfera di e weganan Olimpico y su habilidad unico pa trece e mundo hunto manera McDonald’s ta trece hende hunto den e 120 restaurantnan rond di mundo. E weganan Olimpico ta ofrece McDonald’s un oportunidad pa reenforsa balor di e marca y genera e bon boluntad y fortalece e relacion cu clientenan. 

ORIGEN DI COMPROMISO

McDonald’s su compromiso na e movecion Olimpico a cuminsa na 1968, ora e compania a lansa hamburger na e atletanan di Merca na Grenoble, Francia despues cu nan a reclama cu nan a bira malo door di e cuminda di McDonald’s. McDonald’s a sirbi su variacion di menu na miyones di atletanan y nan coach, famia y fanaticonan. RIO 2016 ta marca e di 10 weganan consecutivo cu McDonald’s lo duna e atletanan di come como e restaurant oficial pa e weganan Olimpico.  

WEBSITE

Pa mas informacion of oferta, bo por subi nos website www.mcdonaldsdwi.com.pr of bira un fan di nos pagina di Facebook, McDonald’s Curacao & Aruba. Bishita McDonald’s y disfruta e sabor unico di McKrioyo Sport.