UPDATE: Caso di asesinato ta laga un homber morto y un dama deteni

PIEDRA PLAT - Un dama ta deteni, y un homber ta morto awe nochi a consecuencia di un caso di hincamento den un lugar di massage na Piedra Plat. Manera cu NoticiaCla.com a raporta inicialmente, tabatin un caso di asesinato cu a tuma lugar awe nochi. Oficialmente e informacion ta cu e yamada di emergencia a drenta 9: 21 na Centrale Post, raportando un atraco na Beauty Health Museum. Na yegada di patruya, polis a bin haya un homber sin bida. Polis a pasa pa detene un señora na e sitio pa interogacion. Aunke no confirma, ta mustra cu e dama aki lo ta esun cu a hinca e homber mata, durante un session di massage. Polis tecnico ta haciendo su investigacion mientrastanto, y ainda no a logra identifica e persona sin bida. Recherche a tuma e curpa den beslag y tin e caso bou di investigacion. Asina cu tin mas investigacion, lo informa riba esaki.