Banco Central ta desmenti cu a pidi gobierno para ley All inclusive

ORANJESTAD - Banco Central di Aruba (BCA) ta desmenti cu a manda un conseho pa gobierno pa wanta e tratamento di e ley riba cambio di all inclusive 'te cu mas investigacion ta haci' . Asina e instituto financiero a bisa den un comunicado awe mainta. E ta referi na un propaganda cu a aparece (den e caso aki) den e vespertino Amigoe di dia 6 di juli ultimo, bou di e titulo The Impact of All inclusive resorts in the destinations. E informacion ey segun BCA no ta berdad. Den e aviso ta aparece un grupo di instancia cu lo a pidi gobierno pa para e tratamento di e ley, y den e lista ey BCA ta aparece. BCA pues ta desmenti cu e tambe ta parti di e lista. 

INVESTIGACION ANDANDO 

Segun BCA, nan ta ocupa actualmente cu un investigacion na e efectonan economico riba turismo All Inclusive na Aruba. "Despues cu caba cu e investigacion, CBA lo informa e resultado na tanto Parlamento y gobierno" e comunicado ta sigui bisa.