Awor ta posibel pa manda opinion y comentario pa publicacion pa NoticiaCla.com

ORANJESTAD - NoticiaCla.com kier a recorda su lectornan fiel cu for di comienso di e luna aki, a habri e posibilidad pa personanan por manda nan remetido, opionion of comentario, cu lo wordo publica. Esaki ta parti di e expansion di servicio cu e portal aki ta ofrece pa asina duna acceso na un grupo di persona cu por uza e via aki den un forma constructivo y aporta asina na mas informacion pa nos lectornan. 

REGLANAN PA PUBLICACION E regla pa esaki ta cu e idioma por ta Papiamento, Ingles of Hulandes. Despues di un periodo, lo añadi Spaño tambe. E contenido di e publicacion mester ta maximo 300 palabra (lo corta e publicacion si esaki pasa e cantidad di palabra), mester tin un mail legitimo (lo check esaki) y un telefon valido (y potret) acerca, hunto cu nomber y fam di persona. E nomber y fam por keda anonimo riba e publicacion, pero mester t'ey ora di manda e publicacion. Cualkier publicacion cu drenta, no por ta ofensivo, ni contene palabranan ofensivo, mahos, vulgar etc. E no por contene informacion comercial tampoco. Tur e publicacionan mester wordo manda na news@noticiacla.com, y despues lo haya un otro mail specifico pa opinion. Tur publicacion cu keda publica por wordo mira ora cu e lector click riba e botton cu ta bisa 'opinion'. Elo no bin riba e pagina principal di NoticiaCla.com.