Confirma: Xander Bogaerts selecta pa hunga den MLB All Star Game!!

Posted on 7/5/2016, 9:38 PM AST | Updated on 7/5/2016, 10:33 PM AST

NEW YORK - E pelotero profesional Arubano Xander Bogaerts, conoci como e X-man, a skirbi historia diamars anochi ora cu Major League Baseball a anuncia e line-up final pa ekiponan di e wega di All Star y confirma cu Bogaerts oficialmente ta selecta pa habri na e posicion di short stop. E ta bira e prome Arubiano cu ta forma parti di un wega All Star di baseball grandes ligas. "Nos ta orguyoso cu "The X-man" a marca su lugar", mama orguyoso di Bogaerts, Sandra Brown a bisa NoticiaCla.com diamars anochi. E ta planea pa biaha e siman aki pa asina wak e wega na San Diego otro siman. Hunto cu Bogaerts, lo tin algun colega di su ekipo cu ta forma parti di e seleccion pa liga Americana. Corsou tambe tin participacion cu su hungador Kenley Jansen di Los Angeles Dodgers, aunke cu e no ta habri necesariamente sino ta un di e 14 pitchernan pa liga nacional.

DELANTERA DEN VOTAMENTO

For di comienso di e votamento (publico ta selecta e hungadornan pa medio di votamento via internet), Bogaerts a coy un delantera grandi y te cu e siman aki ainda, e tabatin un delantera di casi 1miyon y mey voto riba e siguiente hungador. E tabatin riba 2 miyon voto dialuna ultimo y mas di 1.3 miyon riba e proximo candidato.

COBERTURA NA ARUBA

NoticiaCla.com a compronde cu den curso di diaranson, Setar y gobierno di Aruba lo haci algun participacion interesante relaciona cu Xander Bogaerts y no ta descarta cu lo por anuncia cu ta transmiti e wega di All Star den un forma grandi na Carnival Village riba pantaya grandi di television y tambe tin posibilidad cu lo por transmiti e resto di weganan di Boston Red Sox cu Xander Bogaerts pa resto di e temporada. NoticiaCla.com ta keda pendiente pa e anuncionan respectivo cu ta tuma lugar diaranson atardi. Wak e resto di e seleccion aki:

AMERICAN LEAGUE

Starters

C: Salvador Perez, Royals

1B: Eric Hosmer, Royals

2B: Jose Altuve, Astros

3B: Manny Machado, Orioles

SS: Xander Bogaerts, Red Sox

OF: Mookie Betts, Red Sox

OF: Jackie Bradley Jr., Red Sox

OF: Mike Trout, Angels

DH: David Ortiz, Red Sox

Reserves