Awe nochi e nave espacial Juno por drenta orbita di planeta Jupiter

NASA - Cinco aña despues cu el a keda lansa, e astronave Juno lo por drenta e orbita di e planeta mas grandi Jupiter. Esey lo mester sosode awe nochi 11:18 pm ora di Aruba. Unabes den e orbita, e por saca potret y busca data importante pa haya sa mas di e planeta aki. Pero si e no logra drenta e orbita den su prome intento, e lo bandona esaki y keda bula afo. Tin un retraso di casi 50 minuut di comunicacion cu e nave y como tal e nave mes tin cu atende cu e entrada den e orbita di Jupiter. E proyecto aki a costa 1.1 biyon dollar y ta un di e proyectonan mas interesante porta di NASA desde e aterisahe riba luna, y e transbordador espacial.