VVD ta cuestiona construccion tuberia di gas Venezuela pa Aruba

DEN HAAG - E construccion di e tuberia di gas entre Venezuela y Aruba ta wordo cuestiona na Hulanda. Mas concretamente, parlamentario Andre Bosman di VVD a haci pregunta na e minister encarga cu Reino Hulandes e siman aki. E preguntanan ta varia di 'ken ta encarga cu e trabou, con e ta afecta e operacion y kico gobierno su tarea ta den esaki. Manera a bira custumber, ta practicamente for di e mesun parlamentario ta bin, pero e ta sigura NoticiaCla.com cu e ta representa e fraccion mas grandi di Tweede Kamer. 

LISTA DI PREGUNTA 

E lista ta contene 8 pregunta di cual mayoria ta basa directamente riba e topico di construccion di e tuberia di gas. Fuera di esey, tin preguntanan mas general manera e tempo cu lo mester pa por renova e refineria actual. Bosman kier sa ken e consorcio internacional ta cu lo percura pa e tuberia di gas. Bosman kier sa tambe si e refineria ta wordo instala di tal forma cu e ta draai solamente riba gas of si tin otro tipo di combustibel cu lo wordo uza y kico e origen di e combestibel ta. Mirando cu ainda e tuberia tin cu wordo instala, mientras cu ya na augustus ta cuminsa cu e operacion di renobacion, Bosman kier sa cu si tin un retraso den e instalacion di e tuberia cu esey ta nifica un retraso di e reapertura y kico e consecuencianan por ta. Aparte, kier sa kico un eventual escases di suministro di gas por tin di influencia por tin riba e modelo di ganashi di e refineria. Esnan envolvi cu e contracto tambe mester bin dilanti segun Bosman, y den su preguntanan tambe ta puntra ken e partidonan ta cu ta envolvi pa e suministro di gas, y kico e tarea di gobierno ta den esaki. Tambe a puntra cu si Hulanda tambe tin cu duna asistencia cu expertisio riba e tereno aki of si tin e experticio na Aruba mes. Finalmente a pidi pa Tweede Kamer haya un copia di e acuerdo aki unabes cu e wordo firma y si esey no por, pakico no. Por lesa e carta di pregunta aki.