Pachi Damon cu comedia

ORANJESTAD - Aruba tabata pendiente pa e salida di e comedia di Pachi Damon pa 2016. Pachi Damon a corda mesora riba Aruba. P'esey mes dianan 29,30,31 di juli e lo t'ey pa asina pone Aruba hari sin fin un biaha mas. E comedia aki t'ey pa un solo weekend. Na Valero Boulevard y Valero Esso Ville tin e ticketnan cu ta cuminsa wordo bendi dialuna. "Muhernan Antibiotica" ta nomber di e comedia. Muhernan cu ta wordo compara cu Antibiotica. Antibiotica bo mester bebe tur y caba cu nan pa e tratamento bay bon. Den e caso aki e Muhernan Antibiotica como amante tambe ta caba cu tur placa di e hombernan casa y djey bay laganan. E ta un comedia yen di problema unda hasta DJnan di radio ta haya nan mes den situacionnan serio cu mandamento di peticion den aire pa cierto hendenan. Esaki ta un comedia cu lo bay bira un sold out sigur. Busca bo ticket awor mesora pasobra fin di luna Cas di Cultura lo bolter cabes abou cu harimento.