Seguridad di banconan ta haya upgrade

ORANJESTAD - Awendia agentenan di seguridad (p.e. na banco) no ta pa hendenan cu a faya otro caminda y ta uza e funcion aki como ultimo recurso. Esey tabata e mensahe principal diabierna durante entrega di diploma na un grupo di agente di seguridad. Tabata diabierna atardi cu e ceremonia a tuma lugar den sala di entrenamento di Fantastic Gardens entregamento di certificado na esnan cu a gradua di un curso special di seguridad cu a ser duna pa e compania Scientia International y patrocina pa Caribbean Mercantile Bank N.V. .

GRADUADONAN

Ministro di Husticia Arthur Dowers y Javier Wolter den calidad di president di Asociacion di Bankeronan di Aruba (ABA) tabata presente pa felicita e graduadonan y deseanan hopi exito den nan tarea importante. E graduadonan ta: Michael X. Blijden /WIB St. Maarten, Orlando R. Mora Garces /CBA Aruba, Anthony de Mei /CMB Aruba, Lindomar A Montero /CMB Aruba, Therens  R. A Albus /CMB Aruba, Derward D. Ruiz /CMB Aruba,  Richinell.G.Matos / CMB Aruba, Raul A. Aparicio / Banco di Caribe Aruba, Gino A Croes / CMB Aruba, Giulliano R Rasmijn /CMB Aruba,  Vidal G Arends /CMB Aruba, Gilbert A Jansen /CMB Aruba,  Kenneth M Ortega /MCB Curaçao, Curth M M Pieter /MCB Curaçao y Anwar S A V Franken /MCB Curaçao. E instructur pa e cursonan aki tabata Sr.Henk Neddermijer Director di opleiding di Sciencia International. E curso aki ta uno certifica y acredita, es mas e ta brinda oportunidad pa sigui expande for di nivel di MBO te cu nivel academico. Cada badge y diploma ta certifica asina dunando e seriedad necesario na e logra di cada graduado. El a splica cu e curso lo continua riba diferente nivel den futuro cual lo haci cu e staff di seguridad di banconan lo ta na altura di lo ultimo den strategianan di prevencion y mantencion di seguridad pa banconan di Aruba y demas islanan di Caribe Hulandes.