Ru Croes: Critica cu dokter empresarial ta menos dokter no ta cuadra

ORANJESTAD – Docternan di control ta gana bon placa, y ta apto pa haci mucho mas. Esaki contrario na pensamento cu nan lo ta ‘solamente sirbi pa skibi carta di AO’. Ora cu NoticiaCla.com a raporta e noticia cu docternan cu no ta BIG registra (registracion rekeri pa Aruba pa por traha como medico na Aruba) si por yuda skibi carta di AO, e la a haya hopi critica. Segun esnan cu a critica (mayoria di hendenan cu tin yiunan sea studiando of cu a studia pa docter pero no por traha), nan estudio ta bal mucho mas y ta di mesun nivel cu cualkier otro docter. Como tal, uza nan solamente pa ‘firma carta di AO’ ta algo deningrante.

Segun director di Medwork esta Ru Croes, ta un arbo dokter (dokter empresarial) no kier men cu bo ta skibi solamente un carta di AO, sino mucho mas. E mester ta un docter studia, sea na Hulanda of Costa Rica, of otro pais den region mes. E persona aki ta haya un entrenamento adicional, (crash course) di 8 pa 12 siman, pa por fungi como dokter cu ta maneha absentismo. “No ta solamente malesa ta un motibo pa absentismo na trabou. Tin mucho mas aspecto manera psicologico of conflicto na trabou cu ta pone un hende bay AO” Croes ta splica. E persona mester tin abilidad di intermedia y mediacion, y reconoce cu no ta algo medico ta ‘hungando un rol’ sino algo mas complica. “Nos ta ripara cu mas y mas ta problema cu placa ta pone cu hende ta bay AO. Hende ta presta mas placa cu nan por paga bek y ta haya presion pa cual no por funciona na trabou” Croes a bisa. Loke si Croes tambe a admiti, ta cu berdad hasta un arbo docter mester ta BIG registra. Esey ta haci cu solamente esnan cu tin e registracion ey, por funciona como tal. Pero esnan cu no tin’e, por traha bou di supervision di uno cu si ta BIG registra. Y segun Croes, Medwork tin docternan tanto BIG registra como esnan cu no tin e registracion ey. (lesa aki kico ta un BIG Registratie)

E parti salarial tambe ta un asunto cu a ricibi hopi critica. “E salario ta naar conform” Croes a sigura NoticiaCla. Esey kier men cu e ta riba nivel di e specialidad di e medico. “nan ta haci un trabou completo manera cualkier docter ta haci. Nan salario por competi cu tur otro companianan cu tin docternan den servicio” Croes a bisa. E ta mas conform tambe cu nan ‘vakantie geld, dianan liber y mucho mas beneficio cu nan ta haya otro caminda segun Croes a bisa finalmente. Nan tin 6 dokter, inclusivo esnan BIG registra y tin 4 mas cu a aserca e compania. Tin 2 arbo, un begrijfsarts, 2 verzekerings arts, 1 arts big registra.