Awe diasabra tin oportunidad pa cumpra bo ticket di rifa na oficina di Aruba Lions Club

ORANJESTAD - Aruba Lions Club a lansa su rifa nobo ‘’From The Community to the Community’’. E Lion nan ta cla prepara pa e pueblo di Aruba haci un bishita cerca nan e fin di siman aki. Cu un aporte di e comunidad nan por keda yuda esnan den mas necesidad. Diasabra awor 2 di juli Aruba Lions Club ta duna e pueblo di Aruba en general e oportunidad di cumpra sea tickets of buki di rifa na nan oficina  na Engelandstraat 11. Por pasa na cualkier momento for di 3 or pa 6 or di atardi. Bishita e cas di Aruba Lions y  haya sa di tur e trabaonan cu Aruba Lions Club ta haci pa nos comunidad, alabes tin e oportunidad di cumpra bo rifa y asina aporta tambe pa Aruba Lions Club por sigui yuda manera semper a bin ta haci. Tambe ta duna oportunidad na tur esnan cu ainda por tin ticket di e rifa anterior di Fun Miles pa por cambia esaki  dor di trece bo ticket mas f 5,-- y bo lo ricibi tres(3) tickets di e rifa “ from the community to the community “. Pa esnan cu ta interesa pa yuda cumpra tickets of buki di rifa por contact e miembronan na nr: 7332734, 5666178, 5931332 of 6003155 of email nos na teacher7341@gmail.com.