No ta detene gulidonan di bolita di droga mas na Corsou

WILLEMSTAD – Gulidonan di bolita (di droga) no ta wordo deteni mas na aeropuerto di Corsou. Motibo di esaki, segun raportahe di wwww.qraucao.com, ta e situacion higienico malo di e warda principal di polis. Autoridad di salud como tal a prohibi e tratamento di e mulanan di droga cu a guli e bolitanan.

Husticia riba e isla ta detene por lo menos 15 pa 20 biahero pa siman cu ta trafica droga sea den nan maleta of bou di nan panja. Pero gulidonan di bolita ta pasa trankil y ta bula pa sea Amsterdam of Düsseldorf. Eynan nan por wordo deteni pasobra Corsou ta pasa e nombernan si di e gulidonan na autoridad hulandes of aleman.

E capacidad deteriora di e centro pa trata preso na e centro di polis na Corsou, pa un tempo caba ta un precupacion. Durante un investigacion internacional e aña aki pa mira e situacion ey, a bin sali na cla cu tabatin riolering kibra y mal holo. Tambe no tin casi luz di dia, y ventilacion den e compleho di celnan. Parti di e tereno di polis tambe a comberti su mes den un dump pa airco bieu y frigidaire, cu ta pone cu presonan regular no por wordo ubica eynan mas tampoco.

Docternan na Corsou a bati alarma dialuna pa un forma nobo di guli bolita, cu ta aumenta e risico di morto. Mas y mas traficante di droga ta uza mulanan trafica cu droga den forma di likido, pa limita e posibel deteccion na aeropuerto. E likido lo no wordo ‘bon’ detecta riba e screen di rontgen na aeropuerto, segun qracao.com. E pakete di embolbimento ta asina fini cu e ta parse e saconan di sandwich. Segun docternan na Corsou, e tipo di operacion pa salba bida di un mula, a aumenta drasticamente e ultimo lunanan. E problema ta cu e sakitonan di sandwich ta sker mucho lihe. Un buelo largo pa Hulanda ta aumenta e posibilidadnan ey. Foto cortesia Ministerio Publico Corsou.