Guardian Group Fatum su campaña nobo di pensioen

ORANJESTAD –  Guardian Group a lansa nan campaña di pensioen nobo. E campaña aki a wordo diseña despues di un encuesta unda e enfoke tawata entre entrepreneur, pensionado y hobennan profesional cu ta trahando. 

RESULTADO DI ENCUESTA

E resultado tawata cu e pensionadonan kier sigui biba manera nan ta custumbra di biba. Keda productivo y disfruta di bida. Nada di zoya den hamaca.  E resultado bou di e hobenan profesional y entrepreneur tawata cu nan no kier cumpra un pensioen dor cu nan no tin un entrada halto y ta prefera  biba bida dushi. Libertad financiero. (Financial Freedom) Live in the now.

CAMPAÑA DIFERENTE

A dicidi di diseña un campaña ful diferente di custumber y e mester ta FUN, algo cu hende por identifica su mes cu ne y cu ta interactivo.  A scoge pa e tv commercial nan y Cinema sin naracion pa e parti visual spierta e interes y curiosidad. Cada propaganda ta complementa e campaña su mensahe. E curiosidad tambe ta pa bay ariba e website www.buildyourfuture.today pa asina haci un test/quiz pa saca afor cua tipo di personalidad bo tin pa motibo cu esaki ta identifica e tipo di persona su estilo di bida y con e ta desea di sigui biba ora baha cu pensioen. 

EDAD PA HACI E TEST

Sea cualquier edad of etapa di bo bida cu bo ta aden bo por haci e test aki. Despues di e promer parti bo ta sigui pa asina pidi un calculacion di un pensioen a base di un x-suma cu bo por paga pa luna. E calculacion ta wordo manda pa bo emailadres. E grupo e hobennan cu no a dicidi di regla nan pensioen of tin nan mesun negoshi y no ta pensa pa cuminsa spaar pa nan pensioen mas liher posibel, por haci bon uzo di e website buildyourfuture.today.  E posibilidad pa nan mes haci e calculacion pa wak cuanto nan mester spaar pa hiba e bida comodo cu nan kier den futuro ta bira facil. Cu esaki nos por brinda nos conseho y servicio durante un cita personal. 

E  propaganda  di radio ta cuminsa cu preguntanan pa trigger con bo ta bibando awor y con bo ta desea di sigui biba. 

KI TIPO DI PENSIOENADO LO ABO TA?

Bo ta wak bo mes ta pasa mas tempo cu bo famia? Of biahando rond mundo pa destinacionnan cu semper bo kier a bishita? Dentro di un minuut bo por haña sa con abo kier pasa bo añanan di pensioen cu e test di Build Your Future.

Esaki ta preguntanan cu cada ken ta contesta differente pero ta spierta bo interes pa bai na nos website www.buildyourfuture.today E campaña nobo lo wordo introduci ariba tur isla unda tin un oficina di Guardian Group Fatum  cual fuera di Aruba, Bonaire, Corsow y St. Maarten.