Minister Plasterk tambe cu keho di curason, ta wordo opera

DEN HAAG - Despues cu e noticia a drenta siman pasa cu minister di energia di Aruba Mike de Meza a bira malo diripiente cu keho di dolor di pecho, awor otro minister ta raporta problema di curason y mester wordo opera. Ta trata di colega minister Hulandes Ronald Plasterk cu lo wordo opera otro siman. Informacion ta cu e mandatario lo wordo opera na su valvula di curazon. Asina su vocero a raporta na e corant Hulandes Telegraaf. For di awe, e minister ta wordo reemplasa pa colega minister Stef Blok. De hecho Blok lo reemplasa Plasterk pa resto di verano (zomer). Pa loke ta minister na Aruba, e ta descansando na cas, manera cu NoticiaCla.com por a compronde. El a haya un cantidad di remedi y orden pa descansa.