Xander Bogaerts sigurando su spot pa All Star Game 2016!

ST. PETERSBURGH, Fla. – Tin tur indicacion cu pa prome biaha den historia di baseball grandes ligas, un Arubiano lo forma parti di e wega di estreya, conoci como All Star Game. Te cu dialuna ultimo (faltando awor 1 dia pa e votacion termina) e pelotero profesional Arubano Xander Bogaerts ta lidera e lista pa short stop cu mas di 1 miyon voto riba e number dos riba e lista, esta Alcides Escobar di Kansas City Royals. 

CANTIDAD DI VOTO

Cu 2,825.025 miyon voto Bogaerts a practicamente sigura su posicion como hungador pa e ekipo di liga Americano pa dia 12 di juli na San Diego, California. Riba e fecha ey, pa 8'or di anochi den Petco Park e All Star Game ta tuma lugar. E votacion ta termina diahuebs mey anochi. Si Bogaerts sigura e posicion, e ta bira asina e prome Arubiano cu ta logra esaki. Hunto cu Bogaerts, e posibilidad ta cu coleganan di ekipo Jackie Bradley Jr, David Ortiz y Mookie Bets lo por acompañe tambe. Un persona por vota 5 biaha den 24 ora, y en total vota 35 biaha.  Pa esnan cu kier vota ainda, por haci esaki akinan.