Elvis Tjin Asjoe ta splica su retiro for di Conseho Insular na Bonaire

KRALENDIJK - Elvis Tjin Asjoe ta splica su retiro for di Conseho Insular na Bonaire. Segun e politico Boneriano, MPB ta para pa politica nobo y cu nan a priminti cambio! " P'esey nos ta duna chens na un otro hoben den nos ekipo pa profila y haña experiencia". Segun Tjin Asjoe, politica nobo mester wordo carga pa mas lidernan Nobo."Dentro di poco mi lo bai yuda e ekipo mas den ehecucion cu entre otro e recomendacionnan menciona den e raport Spies ku mester trece e cambio cu MPB a priminti" e lider politico a sigui bisa.

ROL DI LIDER Y COACH

Mi lo sigui asumi mi rol como lider y coach di e ekipo nobo aki pa garantisa un era nobo den poltica di Boneiro cu un gobernacion cu ta traha duro, cu ta stabil y cu ta duradero. Segun Tjin Asjoe, MPB su fundeshi ta salí for di e filosofia di e Boneriano Miguel Pourier (qepd) ku semper a bisa esaki: -Nos t'ey pa sirbi politica y no pa politica sirbi nos; -Nos a drenta politica pa e P di Pueblo y no pa e P-nan di Puesto, Plaka, Poder o Prestigio. "Pueblo di Boneiro por sigui conta cu mi compromiso pa sigui lidera e trayecto di cambio  na Boneiruo creando un era nobo den politica cu e meta final pa crea un miho biba pa cada cuidadano di Boneiro.