CAft: No tin espacio pa mas proyecto PPP nobo pa Aruba

ORANJESTAD - No tin espacio pa mas proyecto PPP nobo pa Aruba. Esaki ta e conseho cu presidente di e colegio di supervision financiero di Aruba, Age Bakker, a bisa gobierno durante su bishita e siman aki.  Segun Bakker, proyectonan PPP por contribui na e fortificacion di e infrastructura publico, pero a base di nan indole ta pone un peso grandi riba e medionan di gobierno den futuro. Pa por balansa e finansas di gobierno di forma duradero, den liña cu miho practicanan internacional necesario, ta maximalisa e peso di e ‘beschikbaarheidsvergoedingen’. 

NORMA

E Colegio ta conseha pa mantene un suma maximo pa ‘beschikbaarsheidsvergoedingen’ di varios aña pa proyectonan PPP di 1,5-2,0% di e gastonan di gobierno colectivo. Cu e norma aki e gastonan pa proyectonan manera Green Corridor, Watty Vos, Dr. Horacio E. Oduber Hospitaal y e edificio Infra DOW ta cay net den e norma, pero no tin espacio pa proyectonan PPP nobo.