Conocido actor Robin Williams haya morto

TIBURON, CALIFORNIA - Conocido actor di television y cine mericano Robin Williams a wordo haya morto den su cas dialuna mainta na Tiburon, California. Esaki segun e hefe di polis di Marin County a bisa. Nan a cuminsa cu e investigacion pa determina kico e causa di su morto tabata. Segun e medico forense, ta  sospecha cu Williams lo por a comete suicidio, ya cu e tabata bringa depresion pa un periodo basta largo. "Awe mainta mi a perde mi miho amigo, mientras cu mundo a perde un di su miho artistanan. Na nomber di famia mi ta pidi privacidad pa nos por maneha nos tristesa. Williams ta conoci pa su serie di television Mork & Mindy, y tambe peliculanan manera Mrs Doubtfire y otro grandinan.