Moody's: PDVSA lo no por cumpli cu pagonan na 2016

CARACAS - Ta 'hopi improbabel' cu Venezuela lo tin suficiente placa pa paga su debenan completo y no ta inevitabel cu lo nan por bay den 'default' esta incumplimento di pago segun un rapport di e agencia di acreditacion financiero internacional Moody's Investors Service, e agencia noticioso Bloomberg ta raporta. Pero esun prome pa bay, segun Moody's, ta e compania estatal petrolero PDVSA. No ta conoci con esaki por afecta e deal di CITGO pa Aruba su refineria den futuro, siendo un subsidiario directo di PDVSA. 

PDVSA 

E compania di estado Petroleos de Venezuela SA, (PDVSA) cu tin cu cumpli cu pagonan grandi e aña aki, mas sigur lo drenta den default segun e compania di ratings a bisa. Esey por pone na peliger e finanzas di gobierno Venezolano, cu no por cumpli na su turno cu su pagonan respectivo. Segun Moody's tin un probablidad di no negligencia cu un evento di credito por wordo evita, aunke ta mas probabel cu nan lo faya.  E debe Venezolano ta esun di mas caro na mundo pa sigura contra un situacion di no-pago uzando e metodo di cambio pa credito, despues cu e prijs di petrolio a cay. Algo cu ta representa aproximadamente 95% di e entrada na exportacion di e pais, despues cu e pais a erodi su reserva di divisa fuerte. 

Fondo monetario internacional (IMF) a pronostica cu e economia Venezolano lo cay cu 8% den 2016 mientras cu e tasa di inflacion lo alcansa 480%. "Tur cos ta permanece fluho, tur tempo" Jaime Reusche, un analista di Moody's a bisa. E diferencia mas grandi claro tabata e prijs di petrolio cu a aumenta desde mei, y mas tempran den aña. Pues e prijs di petrolio a duna e cuentanan externo Venezolano mucho mas stabilidad y mas lugar pa 'hala rosea'. Esnan cu ta haci comercio ta duna 60% chens cu e pais lo bay den default (no cumpli cu su obligacionan financiero) dentro di 12 luna. E bononnan Venezolano ta esnan cu ta dunando e pior resultado na mundo den e ultimo 2 añanan segun Moody's. Te awor nan a 'debolbe' apenas 14%. 

CON PA EVITA INCUMPLIMENTO DI PAGO

Pa e pais y PDVSA evita incumplimento di pago, e buraco externo di finanza mester bira mas chikito, sea door di ricibi mas ayudo financiero, alivio di debe di China, aumenta prijs di petrolio, of un combinacion di tur tres, Moody's a sigui bisa. Meymey di scarsedad aumenta di tur cos di remedi basico pa papel di wc, un intento pa core cu presidente Maduro ta hayando forsa. Si tin un referendum revocatorio pa caba cu e termino di Maduro, gobierno por pone como prioridad e uzo di dollar pa importacion pa boost su popularidad prome cu e votamento, aumentanto un paro di pago, Moody's a bisa finalmente.