Control di Diabetes, awor ofreci gratuitamente na Botica di Servicio mas cerca dibo!

Oranjestad – E 4 Boticanan di Servicio situa centralmente, awor ta na e prome plano di cuido di Diabetes, ya cu nan ta ofrece e asistencia di calidad cu nan miembronan ta merece, y ta suministra materialnan di test di Diabetes, sirbiendo e publico manera un Centro di Diabetes.  Como parti di nan mission, e boticanan afilia, den Eagle, den vecindario di e hospital, Botica Maria na St. Cruz, Botica Noord y  Botica Seroe Preto na San Nicolas a tuma e tarea pa test e nivel di sucu den nos comunidad, completamente gratis!

Diasabra, 25 di juni, e boticanan lo administra test di sucu gratis y controla nivel di sucu den sanger, manera ta e custumber tur ultimo diasabra di luna. E testnan riba nan mes ta hopi importante pa personanan cu ta bibando cu diabetes. Sinembargo testnan ocasional tambe por ta beneficial pa e publico general, como cu e por yuda den un detecion trempan di e malesa cu ta asocia cu un cantidad di problemanan di salud, como malesanan cardiovascular, stroke, fayo cronico di riñon, ulceracion den pia y daño na e wowonan. 

Adicionalmente, bo lo tin e oportunidad pa haci un chekeo di Presion di Wowo, cu lo wordo ofreci gratuitamente y exclusivamente na Botica Maria. Esaki ta wordo haci den cooperacion cu Optica Sun Specs. 

E testnan di nivel di sucu den sanger lo wordo administra pa e Team di Botica servicial y cariñoso, cu ta tuma nan tarea como consehero di salud hopi na serio. E 45 miembronan di e team di Botica ta sumamente educa den e topico y ta entusiasma pa sirbi nos comunidad. Nos kier yuda pashentnan di diabetes pa biba un bida completo y activo apesar di e malesa, haci cambionan den nan forma di biba, mehora nutricion, dieta, y ehercicio, pa un mihor maneho di nan sintomanan den plaso largo. 

Bo ta cordialmente invita pa test bo nivel di sucu den sanger gratuitamente tur ultimo diasabra di luna, entre 8 am y 10 am, na cualkier di nos 4 Botica di Servicio. E ta di suma importancia pa clientenan haci e test aki na yuna, sin a bebe ni a come nada e mainta aki. Despues di e test, Botica lo ta contento di ofrece e clientenan un desayuno saludabel. Tanten bo ta na sitio, bo lo por beneficia di e guia di boticarionan vigilante cu ta monitorea combinacionan di remedinan, y cu tambe por asisti cu test di presion gratis riba peticion. 

Botica di Servicio ta ofrece un test di risico online GRATIS, cu lo durabo menos cu 3 minuut. Subi online libremente y haña mas informacion tocante e funcion innovativo aki. Bishita e test di risico online na boticadiservicio.com.