Kiwanis Key Club Colegio Arubano cu yamada na tur ex miembro

ORANJESTAD - Kiwanis Key Club Colegio Arubano ta preparando pa celebra su di 40 aniversario e aña aki. En conexion cu e preparativonan, e comite organisador ta haci un yamada special na tur su ex miembronan di e ultimo 4 decada pa bin dilanti y forma parti di e ocasion importante aki. 

E fecha clave ta dia 5 di november proximo y e club tin e deseo di por celebra hunto cu tur miembro, ex miembro y miembronan di e famia di Kiwanis cu a yuda construi e trayectoria remarcabel di Kiwanis Key Club Colegio Arubano. Lamentablemente e club no ta conta cu un registro y informacion di contacto di tur miembro desde 1976, ora cu e club a wordo funda. 

Pa tal motibo ta haci un peticion na publico en general y specialmente na tur esnan cu a forma parti di Kiwanis Key Club Colegio Arubano cu tin informacion di contacto di un ex miembro, pa acerca e comite organisador pa medio di un email na e adres: keyclub40@gmail.com. 

Ta sumamente importante pa e comite por ricibi e nomber, cantidad di aña cu a fungi como miembro, posicionnan cu a ocupa y un email adres pa asina por informa tocante e eventonan cu tin planea. Ta spera cu esaki por yuda trece e grupo di ex miembronan pa comparti hunto cu miembronan actual intercambiando experiencia y conseho, pero tambe pa ricibi e merecido reconocemento.