McDonald’s Aruba a lansa e famoso McKroket

ORANJESTAD – Diamars 21 di juni McDonald’s Aruba a sorpresa su clientenan cu e famoso sabor local di McKroket. E McKroket  prepara fresco ta parti di McDonald’s su compromiso pa asina ofrece un variacion den sabor y opcion nan nobo na su clientenan na Aruba.

POPULAR NA HULANDA Y BELGICA

McKroket ta un burger, obtenibel na Hulanda y Belgica.  McKroket ta consisti di un pan getoast, un kroket di carni puro, cu ta cubri cu un saus special di mosterd.

SABORNAN LOCAL

“E producto nobo aki ta uni nos mas cu nos clientenan dor di trece sabornan local den nos menu”, asina Sulina Vrolijk a bisa, Operations Supervisor di McDonald’s Aruba. “McKroket ta un bon ehempel di con nos por trece productonan innovativo na Aruba dor di trece productonan cu hopi exito rond mundo.Tur Restaurantnan di McDonald’s rond mundo ta “cater” sabor nan local.  Como parti di nos compromiso cu e comunidad di Aruba, e kroket cu nos lo uza den e burger aki ta bini di e distribuidor na Corsou, General Catering bou di standardnan hopi estricto.

LINE UP DI MCCOMBO

Banda di e introduccion di McKroket McDonald’s ta ofrece den su line up di McCombo nobo caminda por disfruta di dje hunto cu un batata y soft drink mediano riba diaranson pa solamente Fl.9 riba e otro dianan tambe tin nos special nan di McCombo. Diahuebs e Triple Cheese, diabierna McBacon Burger, diasabra McChicken, diadomingo Quarter Pounder, dialuna Chicken McNuggets y diamars Big Mac. Tur cu un soft Drink y batata pa Fl.9 so! 

Clientenan por disfruta tambe di otro productonan local den nos restaurant manera, McCrioyo traha cu nos pan local y tambe nos pastechinan.

Pa purba y disfruta di un McKroket bishita McDonald’s Aruba na Palm Beach, Seroe Blanco of St. Cruz.  Pa mas informacion Like nos Facebook page, McDonald’s Curacao & Aruba of bishita nos www.mcdonaldsdwi.com