Situacion di cuidado di preso hinca pa un preso na KIA, ta stabil

SAN NICOLAS - Un cuidado di preso hinca awe tardi pa un preso, ta fuera di peliger. Asina NoticiaCla.com a haya confirma di su fuentenan di KIA. Manera ta conoci, un preso a dicidi di hinca un cuidado di preso den KIA awe tardi, cu e consecuencia cu e cuidado di preso mester a haya tratamento den centro medico. Danki Dios e situacion no ta grave, y no mester a interna e cuidado di preso. E preso responsabel pa e hincamento mientrastanto a keda 'deteni' pa e cargo aki y ta cera den un cel na warda di polis. Fuera di esey e situacion den KIA mes ta trankil y no tabatin un chaos. E caso ta bou di investigacion y dentro di poco por tin un declaracion oficial di parti di leiding di KIA.