Corte di apelacion: SKOA tin derecho di cobra schoolgeld!

ORANJESTAD - Stichting Katholiek Onderwijs Aruba (SKOA) ta permiti pa cobra schoolgeld! Asina corte di apelacion a dicta diamars mainta, destruyendo e sentencia anterior di un grupo di mayor cu a gana nan caso den prome instancia. E caso di apelacion a tuma lugar dia 24 di mei ultimo unda cu partidonan a presenta nan caso. Den un sentencia di 6 pagina diamars mainta, corte a mustra cu Aruba no tin un ley ainda cu ta garantisa enseñansa gratis. Como tal no por spera di gobierno pa cubri 100% di e gastonan di enseñansa na Aruba. "Na Aruba ainda no tin e derecho riba enseñansa gratuito" hues a bisa. Mes momento sinembargo hues a remarca si cu ta trata di un caso sumario y cu mes momento tin un caso di profundidad andando y cu e sentencia ey, lo ta esun final. Pero mientrastanto SKOA tin derecho di cobra alumnonan schoolgeld. Lesa e sentencia aki