Bikker: Relacion tenso entre minister y AHATA preocupante

ORANJESTAD - E relacion tenso actual entre minister y AHATA ta preocupante. Asina e lider di partido Democracia Real, Andin Bikker a declara den un comunicado. E ta referi na e reunion di diabierna ultimo riba all inclusive entre gobierno y AHATA, cu a tranca. 

ESPACIO LA YEGA NA OTRO?

Segun Bikker, ora cu a kere cu lo tin espacio pa yega na un posibel acercamento riba e tema lamentablemente a bin resulta cu Ministro di Turismo a rabia pasobra AHATA, Camara di Comercio y ATIA no ta comparti su opinion referente e concepto di ley. " E situacion aparentemente lo a escala na un nivel cu ministro lo a yama e Asociacion di Turismo pa mentiroso. Esaki ta poco ironico paso e propio Ministro no kier comparti un estudio di 2015 haci pa PWC, probablemente pasobra e estudio lo no ta cuadra cu deseo di e Ministro. En todo caso tur fraccion den Parlamento a exigi copia di e estudio di PWC di 2015" Bikker a bisa.

FONDO DI AHATA

Segun Bikker, e hecho ta cu tur fondo di ATA ta bin for di room tax genera pa e hotelnan y ta surpasa 100 miyon florin pa aña. " Ironicamente e hotel cu probablemente ta genera mas room tax cu tur otro ta Riu, precisamente un hotel basa riba e plataforma di cobranza all-inclusive cu tanto Gobierno ta atacando fuertemente". 

NO LAGA E LEY YEGA NA EXTREMO

PDR en todo caso no ta wak motibo pa Gobierno bay risca y laga e concepto di ley aki yega ta na un extremo asina, pues PDR ta bolbe haci un apelacion na Gobierno pa fria cabes y bolbe na mesa cu e gremionan cu ta maneha nos industria di turismo. Segun Bikker, gobierno no por bay experimenta cu e unico pilar economico cu a resta nos pais te awo. (lesa e articulo completo aki).